اليوم جايب لكم قصيده ولا اروع

ابتدي والمبتدا بسم خلاق العباد _
ربنا الوالي علينا ولا غيره ولي _
العظيم المعتلي رافع السبع الشداد_
رافع السبع الشداد العظيم المعتلي _
جامعن خلقه نهار التغابن والمعاد _
في نهار الحشر والنشر واليوم الجلي
في نهارن يالله انه عليك الاعتماد _
ينتجازا كل واحد واجازا بعملي _
طالبك يارب درب السعاده والرشاد_درب ابوبكر وعمر درب عثمان وعلي
وعقب ذكره ذعذعي يانسانيس البراد
عقب زان الكيف والشعر نظمه زانلي
ياسلام الله سلام يبث من الفواد _
من ضمير الشاعر اللي من الشكه خلي_شاعرن مايقدح الشعر في خشم الزناد_في فعولك يتركه ترك ويخليه ألي _ ازهله في ذمتي كان حمل الشعر زاد _نعنبوا بيت بشرواك مايطلع ملي _ شاعرك لاجا لزومه تربع للشداد_ وشاعرن يومي براسه مثل راس الطلي _أحكر المعني والبس له ثياب جداد_أيه شاعر وانت ياطلق شنب قد قلت الي _صغت فيك الشعر ياللي تقود ولاتقاد_مير فضلا ليس أمر تسمع مايلي _يالامير اللي ليا جيت نورت البلاد _ جعل زولك مايغيب ومقامك معتلي _ العرب تفرح ليا صار للغيث انقياد_وانت غيث اللي من الضيق صدره ممتلي _ شوفتك عند الثبيتي يبو نايف عياد_ماذكره الشافعي ماذكره الحنبلي _يازبون اللي من الوقت شاف الاظطهاد_وقام يقرع به زمانه مثل قرع الدلي _
راضعن در الفضايل يومنك فالمهاد_ونازلن سوق المراجل ومن عقب غلي_انت حاله نادره في زمنا ماتعاد _ولا نجبن مثلك حريم الزمان الجاهلي _ وانت لعتيبه شرف يبو نايف واقتصاد _ نفتخر بك قدم شمر وقحطان وبلي _ يعني بالخط العريض ونتاج المستفاد_مستعد أبصم ووقع ترا مالك حلي _ كم سجين قبل فزعتك يمشي بالقياد _صادرن حكمه ولاله سوا الوالي ولي_
عافت امه من كثر حرها حلو الرقاد_وقعدت تنخا وخفاقها يغلي غلي _
كل ماشافت اخوانه هميل الدمع زاد_
اشغلتهم والابو من همومه مبتلي _
كل ماجوها من السجن والسجن انفراد _انطحتهم مع فم الباب ماجبتوه الي _ البكا عيا يحقق لها ربع المراد _ كل مانادوا سميه حشاها يصطلي _ وعقب جاك ابوه ينخاك ياراع الشداد _ تكفى يافيحان فيحان ياذخر أهلي _ ماهتنيت بحلو مرقد وشرب وحلو زاد _ لين خليت الغبن بعد جده عن حلي _ مارتخيت وقلت للي دخلبك ويش عاد _ باذل مالك وجاهك وميقافك جلي _ ماجمعت المال
للفخفخه والانفراد _ جامعه لثبيت لاصار فالوضع صملي _ مثل فعلك فبن صاهود ياطير الهداد _وابن عمه يوم ضاقت ماكادت تنجلي _
يوم بعض الناس ماله مثل عد الجراد
ولازعلت وجيت يمه مافكر فزعلي _لكن انت الله يسلمك ياطب العناد _
قلت لجل ثبيت وش عاد والمخرج ملي _ جعلها كفن تصيد الجزيل ولاتصاد _ انهلي من كل ميراد ياكف انهلي _ شيخنا شيخ السعد سمعته مثل الزباد _ ماتشيخ في قرارن وزاري معتلي _ شيخته بالسيف والرمح والشلف الحداد _
يوم نيران الفتن تصلي العالم صلي_
يوم نجد من المحن ذاك حل وذاك شاد_فعل جدانه ينومس وتاريخ ملي
جاذبه تركي وتركي مطاليعه ابعاد_
مثل وصف السيل ماهو رشاريش وولي _يوم وقته مال تركي مع العالم ابلاد _ لامشا شفت الرياجيل يتلونه تلي _ قول بندر فيه يبقا ليا يوم المعاد _ شعر بندر عندنا يوم غنابه علي _ وعقب تركي مات مامات وسنينه جداد _ دام ابو نايف من أوصاف تركي ماخلي _ باد تركي مير مجده وتاريخه ماباد _ياعتيبه دام فيحان موجود ازهلي

صح لسانك
وننتضر جديدكـ

صح بدنك
ومشكوووووووووووور على الرد